കൺവൻഷൻ സമാപിച്ചു
മലബാറിലെ ആറു ജില്ലകളിൽ നിന്നും നീലഗിരി ജില്ലയിൽ നിന്നും വിശ്വാസികളെയും സഭാ ശുശ്രൂഷകന്മാരെയും പങ്കെടുപ്പിച്ചുകൊണ്ട് ഏപ്രിൽ 23-ന് ആരംഭിച്ച ഷാരോൺ ഫെലോഷിപ്പ് ചർച്ച് മലബാർ റീജിയൻ കൺവെൻഷന് 26-ന് അനുഗ്രഹ സമാപ്തി
വയനാട്: സുവിശേഷത്തിന്റെ തുറക്കപ്പെട്ട വാതിൽ അടച്ചു കളയാം എന്നുള്ളത് എന്നുള്ളത് സാത്താന്റെ വ്യാമോഹം മാത്രമെന്ന് പാസ്റ്റർ തോമസ് ദോഹ പ്രസ്താവിച്ചു. ഷാരോൺ ഫെലോഷിപ്പ് ചർച്ച് മലബാർ റീജിയൻ കൺവെൻഷനിൽ സമാപന സന്ദേശം നൽകുകയായിരുന്നു അദ്ദേഹം.
രാജാക്കന്മാരും ഭരണകൂടങ്ങളും കൊന്നൊടുക്കി നശിപ്പിക്കാനും എന്നേക്കുമായി ഈ വാതിൽ അടച്ചു കളയാനും നൂറ്റാണ്ടുകളായി വ്രതാ പ്രയത്നങ്ങൾ ഒത്തിരി ചെയ്തിട്ടുണ്ട്. സാമ്രാജ്യങ്ങൾ തകർന്നടിഞ്ഞു. പക്ഷേ ദൈവസഭ ഇന്നും അജയമായി, പാതാള ഗോപുര ശക്തികളെ അതിജീവിച്ച് നിലനിൽക്കുകയാണ്. വർത്തമാനകാല സാഹചര്യങ്ങളിലെ വെല്ലുവിളികൾ വകവയ്ക്കാതെ ദൈവജനം ശക്തമായി മുന്നേറുകയാണെന്ന് അദ്ദേഹം കൂട്ടിച്ചേർത്തു. പാസ്റ്റർ ജോബി ജോൺ തമിഴ് ഭാഷയിലേക്ക് മൊഴിമാറ്റം ചെയ്തു.
പാസ്റ്റർ ഈശോ മാത്യു ഉദ്ഘാടനം ചെയ്തു. പാസ്റ്റർമാരായ റോയി ചെറിയാൻ, കെ.ജെ തോമസ് കുമളി തുടങ്ങിയവർ പ്രസംഗിച്ചു. പൊതുയോഗങ്ങളിൽ പാസ്റ്റർമാരായ ഷൈലേഷ് തോമസ്, ബിജു പോൾ, ജോബി ജോൺ എന്നിവർ അധ്യക്ഷരായിരുന്നു. പാസ്റ്റേഴ്സ് ആൻഡ് ഫാമിലി കോൺഫറൻസിൽ പാസ്റ്റർമാരായ കെ.ജെ. ജോബ്, ഈശോ മാത്യു എന്നിവർ ക്ലാസുകൾ എടുത്തു. യുവജന സമ്മേളനത്തിൽ പാസ്റ്റർ സാംസൺ പി. തോമസ് സന്ദേശം നൽകി. വനിതകൾക്കുള്ള മീറ്റിങ്ങിൽ പാസ്റ്റർ സാം തോമസ് മുഖ്യ പ്രഭാഷണം നടത്തി. പൊതുസഭായോഗത്തിൽ പാസ്റ്റർ ജോയി ഡേവിഡ് ശുശ്രൂഷകൾ നിയന്ത്രിച്ചു.
പാസ്റ്റർമാരായ ഈശോ മാത്യു, കെ.ജെ.ജോബ്, ജോസ് വി. ഓ, എൽദോ പി ജോസഫ്, ഷിജു കുര്യൻ, ജോമോൻ ജോസഫ്, ബിജു വർഗീസ് തുടങ്ങിയവർ പ്രസംഗിച്ചു. പാസ്റ്റർ ലിബിൻ മാത്യു സ്നാന ശുശ്രൂഷ നിർവഹിച്ചു. 
പാസ്റ്റർ എബ്രഹാം ജോസഫ് കർതൃമേശയ്ക്ക് നേതൃത്വം നൽകി. പാസ്റ്റർ ദാനിയൽ നീലഗിരി, പാസ്റ്റർ സാം ദാനിയേൽ നേതൃത്വം നൽകിയ ഷാരോൺ കൊയറിനൊപ്പം ഗാനങ്ങൾ ആലപിച്ചു.
മലബാറിലെ ആറു ജില്ലകളിൽ നിന്നും നീലഗിരി ജില്ലയിൽ നിന്നും വിശ്വാസികളെയും സഭാ ശുശ്രൂഷകന്മാരെയും പങ്കെടുപ്പിച്ചുകൊണ്ട് ഏപ്രിൽ 23 മുതൽ 26 വരെ കൽപ്പറ്റ ശാരോൻ ഓഡിറ്റോറിയത്തിൽ നടന്ന 2026 ലെ ഷാരോൺ ഫെലോഷിപ്പ് ചർച്ച് മലബാർ റീജിയൻ കൺവെൻഷന് ഇതോടെ അനുഗ്രഹ സമാപനം.
