കൺവൻഷൻ

കോട്ടയം : കറുകച്ചാൽ ആസ്ഥാനമായി പ്രവർത്തിക്കുന്ന ഇന്ത്യാ റിവൈവൽ അസംബ്ലി ദൈവസഭയുടെ 31-ാമത് ജനറൽ കൺവൻഷൻ 2026 ജനുവരി 9 മുതൽ 11 വരെ വാഴൂർ 15-ാം മൈൽ ഐആർഎ ബേർ-ശേബാ ചർച്ച് ഗ്രൗണ്ടിൽ നടക്കും. രാത്രി യോഗങ്ങളിൽ അഭിഷിക്തരായ ദൈവദാസന്മാർ വചനം പ്രസംഗിക്കും.

പാസ്റ്റർ എഡ്വിൻ തങ്കച്ചൻ, പാസ്റ്റർ ജോൺ ജോസഫ്, ബ്രദർ ഷിനു ജേക്കബ് എന്നിവരുടെ നേതൃത്വത്തിൽ ഗാന ശുശ്രൂഷ നയിക്കും. ജനുവരി 9-ന് രാവിലെ 10-ന് ഐ.ആർ.എ വനിതാ വിഭാഗമായ ആർ.ഡബ്ല്യു.എമ്മിൻ്റെ നേതൃത്വത്തിൽ വനിതാ സെമിനാർ, 10-ന് ശനിയാഴ്ച രാവിലെ 10 മുതൽ ആർ.വൈ.എം താലന്ത് പരിശോധന, 11-ന് ഞായറാഴ്ച രാവിലെ സംയുക്ത സഭായോഗം, കർത്തൃമേശ ശുശ്രൂഷ എന്നിവ നടക്കും. 1 മണിക്ക് നടക്കുന്ന യൂത്ത്-സണ്ടേസ്കൂൾ വാർഷിക സമ്മേളനത്തോടെ കൺവൻഷൻ സമാപിക്കും.

രക്ഷാധികാരി റവ. മാത്യൂസ് ഇട്ടി, ഉപദേശക സമിതിയംഗങ്ങളായ പാസ്റ്റർ പി. സാംകുട്ടി, പാസ്റ്റർ പി. സി ജേക്കബ്, പാസ്റ്റർ ജേക്കബ് ജോർജ് എന്നിവരുടെ നേതൃത്വത്തിൽ കൺവൻഷൻ കമ്മിറ്റിയംഗങ്ങളായ പാസ്റ്റർ സാബു എം. ജോസഫ് (കൺവീനർ), പാസ്റ്റർമാരായ ഷിബു ജോസഫ്, ഒ.എം. ജോർജ്, വർഗീസ് പി.ജോസഫ് (പ്രോഗ്രാം), പാസ്റ്റർ ജേക്കബ് ദാനിയേൽ, ബ്രദർ ലിജോ ജോൺ (ഫുഡ്), മോൻസി വർഗീസ്, ലിജോ ജോൺ, ബിനോയ് വല്യുഴത്തിൽ, സാബു ഇളപ്പുങ്കൽ (പന്തൽ), ഷിനി ജോൺ, ശാന്തമ്മ എഡ്വിൻ, റീനാ മനോജ്‌ (വനിതാ വോളൻ്റിയേഴ്സ്), ഇ. എം. റോയിച്ചൻ, മനോജ്‌ പാടിമൺ, സിജോമോൻ സാബു (പബ്ലിസിറ്റി) എന്നിവർ വിജയകരമായ കൺവൻഷൻ ക്രമീകരണങ്ങൾക്കായി പ്രവർത്തിക്കുന്നു.