സ്കൂളുകളിൽ ബൈബിൾ നിരോധനം
യു.എസ് : അമേരിക്കയിലെ യൂട്ടാ (Utah) സംസ്ഥാനത്ത് ഒരു സ്കൂൾ ഡിസ്ട്രിക്റ്റിലെ പ്രാഥമിക, മിഡിൽ സ്കൂളുകളിൽ നിന്ന് അശ്ലീലതയും അക്രമവും അടങ്ങിയിരിക്കുന്നു എന്നാരോപിച്ച് ബൈബിൾ നീക്കം ചെയ്തു. ബൈബിളിന്റെ കിംഗ് ജെയിംസ് പതിപ്പിൽ ‘അശ്ലീല’വും ‘അക്രമ’ ചിത്രങ്ങളും കുട്ടികൾക്ക് അനുയോജ്യമല്ലാത്ത ഉള്ളടക്കങ്ങളും അടങ്ങിയിട്ടുണ്ടെന്ന ഒരു രക്ഷിതാവിന്റെ പരാതി സംസ്ഥാന ഭരണകൂടത്തെ ബോധ്യപ്പെടുത്തിയതിനെത്തുടർന്നാണ് ഒരു സ്കൂൾ ഡിസ്ട്രിക്ട് ബൈബിൾ ലൈബ്രറി അലമാരയിൽ നിന്ന് ബൈബിൾ നീക്കം ചെയ്തത്. അശ്ലീല സ്വഭാവമുള്ള ഉള്ളടക്കം നിരോധിക്കാൻ അനുവദിക്കുന്ന നിയമനിർമ്മാണ പഴുത് ഉപയോഗിച്ചാണ് ബൈബിൾ നിരോധനം. യൂട്ടായിലെ റിപ്പബ്ലിക്കൻ ഗവൺമെന്റ് 2022-ൽ സ്കൂളുകളിൽ നിന്ന് അശ്ലീലമോ അസഭ്യമോ ആയ പുസ്തകങ്ങൾ നിരോധിച്ചുകൊണ്ട് ഒരു നിയമം പാസാക്കിയിരുന്നു. എൽജിബിടി അവകാശങ്ങളും വംശീയ സ്വത്വവും പോലുള്ള വിവാദ വിഷയങ്ങളെക്കുറിച്ചുള്ള പഠിപ്പിക്കലുകൾ നിരോധിക്കാൻ സംസ്ഥാനങ്ങളിലെ യുഎസ് യാഥാസ്ഥിതികരുടെ വലിയ ശ്രമത്തിനിടയിലാണ് ബൈബിളിന്റെ നിരോധനം. ടെക്‌സാസ്, ഫ്ലോറിഡ, മിസോറി, സൗത്ത് കരോലിന എന്നിവിടങ്ങളിലും കുറ്റകരമെന്ന് കരുതുന്ന ചില പുസ്തകങ്ങളുടെ നിരോധനം നിലവിലുണ്ട്. ചില ലിബറൽ സംസ്ഥാനങ്ങൾ ചില സ്‌കൂളുകളിലും ലൈബ്രറികളിലും വംശീയതയെ ഉദ്ധരിച്ച് പുസ്തകങ്ങൾ നിരോധിച്ചിട്ടുണ്ട്.
