പ്രാർത്ഥനാ സംഗമം

അതിരുകളില്ലാത്ത ദൈവ സ്നേഹം അതിർ വരമ്പുകളില്ലാതെ ദൈവ വചനത്തിലൂടെ ഏവരിലേക്കും എത്തിക്കുക എന്ന ലക്ഷ്യത്തോടെ ‘യേശുവിൻ തൃപ്പാദത്തിൽ’ 18-ാമത് പ്രാർത്ഥനാ സംഗമം ഡിസംബർ 17 ശനിയാഴ്ച ഇന്ത്യൻ സമയം രാത്രി 80.30-ന് ഓൺലൈനിൽ നടക്കും. പാസ്റ്റർ റോജി ഇലന്തൂർ മുഖ്യ സന്ദേശം നൽകും. കൂടാതെ അനുഗ്രഹീതരായ ദൈവദാസന്മാരുടെ സന്ദേശങ്ങളും ഗാനശുശ്രൂഷയും ഉണ്ടായിരിക്കും. കോവിഡിന്റെ പിടിയിൽ ലോകം അമർന്നപ്പോൾ അനേകരുടെ ജീവനും ഉപജീവനോപാധികളും നഷ്ടമായപ്പോൾ സ്വസ്ഥത നഷ്ടപ്പെട്ട ജീവിതങ്ങൾക്ക് നിസ്തുല സമാധാനത്തിന്റെ ഉറവിടവും സമാധാന പ്രഭുവുമായ യേശുക്രിസ്തുവിനെ ഏതെങ്കിലുമൊരു സഭാ വിഭാഗത്തിന്റെയോ സംഘടനയുടെയോ അതിർ വരമ്പുകളില്ലാതെ പരിചയപ്പെടുത്തുവാനായി ലോകത്തിന്റെ വിവിധ കോണുകളിൽ ഉപജീവനാർത്ഥം പാർക്കുന്ന ചില സഹോദരങ്ങൾ ഒരുമിച്ചുചേർന്ന് തുടക്കമിട്ട കൂട്ടായ്മയാണ് ‘യേശുവിൻ തൃപ്പാദത്തിൽ’. 2021 ജൂലൈ മുതൽ സൂം മീഡിയയിലൂടെ ലോകമെങ്ങുമുള്ള മലയാളികൾ ക്രിസ്തുവിനെ അറിയുവാൻ ഒരു മുഖാന്തിരമായി ഇതിന്റെ പ്രവർത്തനങ്ങൾ നടന്നു വരുന്നു.
സൂം ID: 828 3015 0680
Password: amen