ഐ.സി.ഇ.റ്റി.ഇ ഭരണ സമിതിയിൽ ഡോ. ജെസ്സി ജെയ്സൺ
കോട്ടയം : ഇന്റർനാഷണൽ കൗൺസിൽ ഫോർ ഇവാഞ്ചലിക്കൽ തിയോളജിക്കൽ എഡ്യൂക്കേഷൻ (ICETE) എന്ന ആഗോള വ്യാപകമായി ലീഡർഷിപ്പ് ട്രെയിനിങ് നൽകുന്ന ക്രിസ്തീയ സംഘടനയുടെ ഭരണസമിതിയിലേക്ക് ഡോ. ജെസ്സി ജയ്സൺ തെരഞ്ഞെടുക്കപ്പെട്ടു. ഏഷ്യാ തിയളോജിക്കൽ അസ്സോസിയേഷൻ ഉൾപ്പെടെ ഏഴ് അക്രെഡിറ്റിങ്‌ ഏജൻസികളിലൂടെ 113 രാജ്യങ്ങളിലുള്ള ആയിരത്തിലധികം ബൈബിൾ കോളേജുകൾ അംഗങ്ങളായുള്ള അന്തർദേശീയ പ്രസ്ഥാനമാണ്‌ ICETE. ഇന്ത്യയിൽ നിന്ന് ഈ പദവിയിൽ എത്തുന്ന പ്രഥമ വ്യക്തിയാണ് ഡോ ജെസ്സി. നിലവിൽ ഡോ. ജെസ്സി ജയ്സൻ ഏഷ്യാ തിയോളജിക്കൽ അസോസിയേഷന്റെ (ATA) ഇന്റർനാഷണൽ കമ്മീഷൻ ഫോർ അക്രഡിറ്റേഷൻ ആൻഡ് എഡ്യൂക്കേഷണൽ ഡെവലപ്മെന്റ് (CAED) ഭരണസമിതി അംഗമായും, ലൂസിയൻ തിയോളജി പ്രവർത്തക അംഗമായും സേവനം ചെയ്ത് വരുന്നു.ജൂൺ 8 മുതൽ 10 വരെ അമേരിക്കയിലെ ഒർലാന്റോയിൽ നടന്ന പ്രത്യേക മീറ്റിംഗിൽ വെച്ചാണ് ഡോ. ജെസ്സിയെ അടുത്ത മൂന്ന് വർഷത്തേക്ക് ഭരണസമിതിയംഗമായി നിയമിച്ചത്. ഭർത്താവ് ഡോ. ജയ്സൺ തോമസ്, ഓവർസീസ് കൗൺസിൽ-യുണൈറ്റഡ് വേൾഡ് മിഷന്റെ സൗത്ത് ഏഷ്യാ റീജിയണൽ ഡയറക്ടർ ആയി സഭകളും സെമിനാരികളും മിഷനറി സെന്ററുകളും ഏകോപിച്ചുള്ള ദൗത്യത്തിന് നേതൃത്വം നൽകുന്നതോടൊപ്പം തിയോളജിക്കൽ എഡ്യൂക്കേഷൻ കൺസൾട്ടന്റായി വിവിധ ഏഷ്യൻ രാജ്യങ്ങളിൽ പ്രവർത്തിച്ചുകൊണ്ടിരിക്കുന്നു. ഭാരത സഭകൾക്കും സെമിനാരികൾക്കും ഉദാത്തമായ സേവനം ചെയ്തുകൊണ്ട് കഴിഞ്ഞ 35 വർഷങ്ങൾ സ്തുത്യർഹമായ ശുശ്രൂഷ നിവർത്തിച്ചവരാണ് ഈ ദമ്പതികൾ.
