ആഗോള ആശങ്ക ഉയർത്തി ഒമൈക്രോൺ
കോവിഡ് 19 പുതിയ വകഭേദമായ ഒമൈക്രോൺ (Omicron-B.1.1.529) ഭീതിയിൽ കൂടുതൽ രാജ്യങ്ങൾ. അഞ്ച് രാജ്യങ്ങളിൽകൂടി വൈറസ് ബാധ സ്ഥിരീകരിച്ചു. നവംബർ 24-നാണ് ലോകാരോഗ്യ സംഘടനയ്ക്ക് ദക്ഷിണാഫ്രിക്കയിൽ നിന്ന് B.1.1.529 വേരിയന്റ് ആദ്യമായി റിപ്പോർട്ട് ചെയ്യപ്പെട്ടത്. ബ്രിട്ടൻ, ജർമ്മനി, ഇറ്റലി എന്നീ രാജ്യങ്ങളിൽ ശനിയാഴ്ച പുതിയ ഒമൈക്രോൺ വേരിയന്റ് കേസുകൾ കണ്ടെത്തി. ബ്രിട്ടീഷ് പ്രധാനമന്ത്രി ബോറിസ് ജോൺസൺ പുതിയ പ്രതിരോധ നടപടികൾ പ്രഖ്യാപിച്ചു. യു.കെയിലേക്ക് വരുന്ന എല്ലാവർക്കും ആർടിപിസിആർ പരിശോധന നിർബന്ധമാക്കുമെന്ന് അദ്ദേഹം അറിയിച്ചു. അതേസമയം ദക്ഷിണാഫ്രിക്കയിൽ നിന്നുള്ള യാത്രയ്ക്ക് കൂടുതൽ രാജ്യങ്ങൾ നിയന്ത്രണങ്ങൾ ഏർപ്പെടുത്തി. ഒമൈക്രോൺ സ്ഥിരീകരിച്ച സാഹചര്യത്തിൽ ഇസ്രായേൽ എല്ലാ അതിർത്തികളും അടച്ചു. ഇന്ത്യയിൽ, 20 മാസത്തിലധികം നീണ്ട ഇടവേളയ്ക്ക് ശേഷം, ഡിസംബർ 15 മുതൽ ഷെഡ്യൂൾ ചെയ്ത അന്താരാഷ്ട്ര വാണിജ്യ വിമാനങ്ങൾ പുനരാരംഭിക്കുമെന്ന് സർക്കാർ നവംബർ 26 ന് പ്രഖ്യാപിച്ചിരുന്നു. ആഭ്യന്തര സെക്രട്ടറിയുടെ അധ്യക്ഷതയിൽ നടന്ന യോഗത്തിൽ ആഭ്യന്തര മന്ത്രാലയ വക്താവ് പറഞ്ഞു. ഒമൈക്രോൺ വൈറസിനെ കുറിച്ച് സമഗ്രമായി അവലോകനം ചെയ്യുകയും നിലവിലുള്ളതും കൂടുതൽ ശക്തിപ്പെടുത്തേണ്ടതുമായ വിവിധ പ്രതിരോധ നടപടികളെക്കുറിച്ച് ചർച്ച ചെയ്യുകയും ചെയ്തു. ഒമൈക്രോൺ വേരിയന്റിനെക്കുറിച്ചുള്ള ആശങ്കകൾ കാരണം ഞായറാഴ്ച മുതൽ ഏഴ് ആഫ്രിക്കൻ രാജ്യങ്ങളിൽ നിന്നുള്ള യാത്രക്കാരെ വിലക്കുകയാണെന്ന് മാലിദ്വീപ് അറിയിച്ചു. ദക്ഷിണാഫ്രിക്ക, ബോട്സ്വാന, സിംബാബ്‌വെ, മൊസാംബിക്, നമീബിയ, ലെസോത്തോ, ഈശ്വതിനി എന്നിവിടങ്ങളിൽ നിന്നുള്ള യാത്രക്കാരെ മാലിദ്വീപിലേക്ക് അനുവദിക്കില്ലെന്ന് ആരോഗ്യ മന്ത്രാലയം പ്രസ്താവനയിൽ അറിയിച്ചു.
വിമാനത്താവളങ്ങളിൽ നിരീക്ഷണം ശക്തമാക്കാൻ കേരള സർക്കാർ
കൊച്ചി: കൊവിഡ് വകഭേദമായ ഒമിക്രോൺ ഭീഷണിയുടെ പശ്ചാത്തലത്തിൽ എല്ലാ വിമാനത്താവളങ്ങളിലും നിരീക്ഷണം ശക്തമാക്കാൻ കേരള സർക്കാർ തീരുമാനിച്ചു. പ്രതിരോധ നടപടികളുടെ ഭാഗമായി പുതിയ വേരിയന്റ് റിപ്പോർട്ട് ചെയ്ത വിദേശ രാജ്യങ്ങളിൽ നിന്നുള്ളവരെ വിമാനത്താവളങ്ങളിൽ പരിശോധിക്കും. ബോട്സ്വാന, ദക്ഷിണാഫ്രിക്ക, ഹോങ്കോംഗ്, സിംബാബ്‌വെ, സിംഗപ്പൂർ, ഇസ്രായേൽ എന്നിവിടങ്ങളിൽ നിന്നുള്ള യാത്രക്കാർ വിമാനത്താവളത്തിൽ സ്‌ക്രീനിംഗിന് വിധേയരാകണം. ദിവസവും നിരവധി യാത്രക്കാർ ഇറങ്ങുന്ന കൊച്ചി രാജ്യാന്തര വിമാനത്താവളത്തിൽ നിരീക്ഷണത്തിന് കർശന നടപടി സ്വീകരിക്കും. നോഡൽ ഓഫീസർ ഡോ. ഹനീഹ് മീരാസയുടെ നേതൃത്വത്തിലുള്ള 8 അംഗ സംഘമാണ് യാത്രക്കാരെ പരിശോധിക്കുന്നത്. വിദേശത്ത് നിന്നുള്ള യാത്രക്കാരെയും അവരുമായി സമ്പർക്കം പുലർത്തുന്നവരെയും നിരീക്ഷിക്കും. പ്രാരംഭ ഘട്ടത്തിൽ, അവരെ ആർടി-പിസിആർ ടെസ്റ്റിനായി കൊണ്ടുപോകും. പിന്നീട്, 7 ദിവസത്തെ നിർബന്ധിത ക്വാറന്റൈൻ നിർദേശിക്കും. ക്വാറന്റൈനിലെ എട്ടാം ദിവസം അവർ വീണ്ടും ആർടി-പിസിആർ പരിശോധനയ്ക്ക് വിധേയരാകണം. അവർക്ക് കൊവിഡ് പോസിറ്റീവ് ആണെങ്കിൽ, അവർ ഒരാഴ്ച ക്വാറന്റൈനിൽ നിരീക്ഷിക്കണം. സിയാലിന്റെ സഹകരണത്തോടെയാണ് കൊച്ചി വിമാനത്താവളത്തിൽ ക്രമീകരണങ്ങൾ നടപ്പാക്കുന്നത്.
