ജനറൽ കൺവൻഷൻ

പാക്കിൽ/കോട്ടയം: ചർച്ച് ഓഫ് ഗോഡ് കേരള റീജിയൻ 101-ാമത് ജനറൽ കൺവൻഷൻ 2024 ജനുവരി 22 മുതൽ 28 വരെ പാക്കിൽ പ്രത്യാശ നഗർ കൺവൻഷൻ സ്റ്റേഡിയത്തിൽ നടക്കും. ദൈവസഭ എഡ്യൂക്കേഷൻ ഡയറക്ടർ റവ. എൻ. എ. തോമസ്കുട്ടി അധ്യക്ഷത വഹിക്കുന്ന സമ്മേളനത്തിൽ അഡ്മിനിസ്ട്രേറ്റീവ് ബിഷപ്പ് റവ.എൻ.പി.കൊച്ചുമോൻ കൺവൻഷൻ ഉദ്ഘാടനം ചെയ്യും. ‘പരിശുദ്ധാത്മാവ് നിറഞ്ഞവരാകുക’ എന്ന തീം ആസ്പദമാക്കി സ്വദേശിയരും വിദേശിയരുമായ ദൈവദാസന്മാർ ദൈവവചനം പ്രസംഗിക്കും.

സംഗീത സായാഹ്നങ്ങൾ, ആത്മീക ആരാധന, ദൈവവചന പ്രഭാഷണങ്ങൾ, കാത്തിരിപ്പുയോഗങ്ങൾ, ഡിപ്പാർട്ട്മെന്റ് പ്രോഗ്രാമുകൾ, മിഷനറി കോൺഫറൻസ്, പാസ്റ്റേഴ്സ് ഫാമിലി കോൺഫറൻസ്, ബൈബിൾ കോളേജ് ഗ്രാഡുവേഷൻ, സാസ്കാരിക സമ്മേളനം, സ്നാനം, തിരുവത്താഴ ശുശ്രൂഷ തുടങ്ങിയ പ്രോഗ്രാമുകൾ ഒരാഴ്ച നീണ്ടുനിൽക്കുന്ന കൺവൻഷനിൽ നടത്തപ്പെടും. ചർച്ച് ഓഫ് ഗോഡ് ക്വയർ ഗാനങ്ങൾ ആലപിക്കും. ലോകത്തിന്റെ വിവിധ രാജ്യങ്ങളിൽ നിന്നും ആയിരകണക്കിന് വിശാസി സമൂഹം കൺവൻഷനിൽ പങ്കെടുക്കും.

കൺവൻഷന്റെ വിജയകരമായ നടത്തിപ്പിനായി അഡ്മിനിസ്ട്രേറ്റീവ് ബിഷപ്പ് ജനറൽ കൺവീനറായി പാസ്റ്റർ കെ. എം. ജോസ് (ഫിനാൻസ്), പാസ്റ്റർ കെ. ജെ. ജെയിംസ് (പബ്ലിസിറ്റി), പാസ്റ്റർ ലാലു തോമസ് (പന്തൽ), പാസ്റ്റർ പി. കെ. മാത്തുക്കുട്ടി (പ്രെയർ), പാസ്റ്റർ എം. പി. മാത്യു (വോളന്റിയേഴ്സ്), പാസ്റ്റർ എ. കെ. വിജയൻ (സ്വാഗതം), പാസ്റ്റർ എ. സി. ശലോമോൻ (അഷേഴ്സ്), പാസ്റ്റർ സണ്ണി ജോസഫ് (മ്യൂസിക്), പാസ്റ്റർ സണ്ണി പി ജോയ് (ന്യൂസ് & മീഡിയ) എന്നിവരടങ്ങുന്ന വിവിധ കമ്മിറ്റികൾ രൂപികരിച്ചു പ്രവർത്തനം ആരംഭിച്ചതായി സഭയുടെ മീഡിയ വിഭാഗം അറിയിച്ചു.