നിത്യതയിൽ

July 26, 2026

വയനാട്: ബാംഗ്ലൂരിൽ വാഹനാപകടത്തിൽ നിര്യാതനായ പുൽപ്പള്ളി കബനിഗിരി ഊനേത്ത് ആൽബിൻ ജോ റെജി (24 ) യുടെ സംസ്കാര ശുശ്രൂഷ നാളെ നടക്കും. ഇന്നലെ പുലർച്ചെ (ജൂലൈ 25 ശനിയാഴ്ച) യാണ് വാഹനാപകടമുണ്ടയത്.

നാളെ (ജൂലൈ27) രാവിലെ 9ന് പുൽപ്പള്ളി എ.ജി. ചർച്ചിന്റെ നേതൃത്വത്തിൽ കബനിഗിരിയിലെ വസതിയിൽ ശുശ്രൂഷകൾ ആരംഭിച്ച് ഉച്ചകഴിഞ്ഞ് 2.30 ന് പുൽപ്പള്ളി കുറിച്ചിപ്പറ്റ എ.ജി. സെമിത്തേരിയിൽ സംസ്കാരം നടക്കും.

ഏതാനും മാസങ്ങൾ മുമ്പാണ് ആൽബിൻ ബാംഗ്ലൂർ എയർപോർട്ടിൽ ജോലിയിൽ പ്രവേശിച്ചത്. ചെറുപ്പം മുതൽ ദൈവഭക്തിയിലും ആത്മീയ ശിക്ഷണത്തിനും വളർന്ന ആൽബിന്റെ മരണം കുടുംബാംഗങ്ങളെയും ഒരു നാടിനെയും ആകെ ദുഃഖത്തിലാഴ്ത്തിയിരിക്കുകയാണ്. പിതാവ്: റെജി ഊനേത്ത് (ബിസിനസ്). മാതാവ്: മിനി (നേഴ്സ്, കുവൈറ്റ്). സഹോദരൻ: ആരോൺ (പ്ലസ്ടു വിദ്യാർത്ഥി-വിജയ ഹയർ സെക്കണ്ടറി സ്ക്കൂൾ, പുൽപ്പള്ളി), സഹോദരി: ഏജെൽ (പത്താം ക്ലാസ് വിദ്യാർത്ഥി). സാമൂഹ്യ പ്രവർത്തകനായ എബി ഊനേത്തിന്റെ സഹോദര പുത്രനാണ്. ഷാരോൺ ഫെലോഷിപ്പ് ചർച്ച് സീനിയർ പാസ്റ്റർ ഒ. കെ. തോമസ്കുട്ടി (ആലുവ) യുടെ മകളുടെ മകനാണ് പരേതൻ.