നൈജീരിയയിൽ 5 ക്രിസ്ത്യാനികൾ കൊല്ലപ്പെട്ടു
നൈജീരിയ: ഒരു തീവ്രവാദ ഗ്രൂപ്പുമായുള്ള പോരാട്ടത്തിൽ അഞ്ച് ക്രിസ്ത്യാനികൾ നൈജീരിയയിൽ കൊല്ലപ്പെട്ടതായി മാധ്യമ റിപ്പോർട്ടുകൾ.
കൊലപാതകം നടത്തിയതായി തീവ്രവാദ ഗ്രൂപ്പായ ഇസ്ലാമിക് സ്റ്റേറ്റ് വെസ്റ്റ് ആഫ്രിക്ക പ്രവിശ്യ (ISWAP). നൈജീരിയയെ ഇസ്ലാമിക രാഷ്ട്രമാക്കി മാറ്റുമെന്ന് പ്രതിജ്ഞയെടുത്ത ബോക്കോ ഹറാം എന്ന തീവ്രവാദികളുടെ പിളർപ്പ് ഗ്രൂപ്പാണ് ISWAP. വധിക്കപ്പെട്ട അഞ്ച് ക്രിസ്ത്യാനികൾ വടക്കുകിഴക്കൻ നൈജീരിയയിൽ ക്രിസ്മസ് ദിനത്തിൽ തട്ടിക്കൊണ്ടുപോകപ്പെട്ട പതിനൊന്ന് പേരിൽ ഉൾപ്പെട്ടതാണെന്ന് കരുതപ്പെടുന്നു. പള്ളികൾ കത്തിക്കുകയും ആളുകളെ തടവുകാരാക്കുകയും ചെയ്തു.
ക്രിസ്മസ് രാവിൽ അദമാവ സ്റ്റേറ്റിലെ ഗാർക്കിഡ പട്ടണത്തിൽ ആക്രമണം ആരംഭിച്ച ISWAP ക്രിസ്മസ് ദിനത്തിന്റെ അതിരാവിലെ വരെ തുടർന്നു. ഓറഞ്ച് വസ്ത്രമിട്ട് കൈകള്‍ പിന്നില്‍ ബന്ധിച്ച നിലയില്‍ മുട്ടുകുത്തി നില്‍ക്കുന്ന ക്രൈസ്തവര്‍ക്ക് പിന്നില്‍ നില്‍ക്കുന്ന ഇസ്ലാമിക് സ്റ്റേറ്റ് വെസ്റ്റ് ആഫ്രിക്ക പ്രൊവിന്‍സില്‍പ്പെട്ട (ഇസ്വാപ്) ആയുധധാരികളായ തീവ്രവാദികള്‍ പേര് പറയുവാന്‍ ഹൗസാ ഭാഷയില്‍ അജ്ഞാപിക്കുന്നതും, പേരിനോടൊപ്പം “ഞാന്‍ ഒരു ക്രിസ്ത്യാനിയാണ്” എന്ന് ബന്ധികള്‍ പറയുന്നതും വീഡിയോയില്‍ ദൃശ്യമാണ്.
നൈജീരിയയിലും ലോകമെമ്പാടുമുള്ള ക്രൈസ്തവര്‍ക്കും ഇതൊരു മുന്നറിയിപ്പായിരിക്കട്ടെയെന്നും നിങ്ങളുടെ ദൈവീകമല്ലാത്ത ആചാരങ്ങള്‍ക്ക് ഈ അഞ്ചു ക്രൈസ്തവരുടെ തലകള്‍ കൂടി ഉപയോഗിച്ചോളൂ എന്നും പറഞ്ഞുകൊണ്ടാണ് വധിക്കുന്നത്.
ക്രിസ്ത്യൻ മതസ്വാതന്ത്ര്യ ചാരിറ്റി റിലീസ് ഇന്റർനാഷണലിന്റെ സി.ഇ.ഒ. പോൾ റോബിൻസൺ പറഞ്ഞു: “ബോക്കോ ഹറാമും ISWAP ഉം ക്രിസ്ത്യാനികളെ കൊല്ലുമെന്ന് പ്രതിജ്ഞയെടുത്തിരുന്നു. കനത്ത ആയുധധാരികളായ ഫൂലാനി തീവ്രവാദികൾ ക്രിസ്ത്യൻ ഗ്രാമീണരെ വടക്കൻ നൈജീരിയയിൽ നിന്ന് ഓടിക്കുകയാണ്, പ്രഖ്യാപിക്കാത്ത ജിഹാദ് ആണെന്ന് കരുതുന്നു. “അവിശ്വാസികളെ” നശിപ്പിക്കുകയെന്ന ലക്ഷ്യത്തോടെ തീവ്ര ഇസ്ലാമിക പ്രത്യയശാസ്ത്രത്താൽ നയിക്കപ്പെടുന്നവരുടെ ക്രിസ്ത്യൻ സമുദായങ്ങൾക്കെതിരായ ആസൂത്രിതമായ ആക്രമണ പരമ്പരയുടെ ഭാഗമാണ് ഈ സംഭവമെന്ന് റിലീസ് ഇന്റർനാഷണലിന്റെ നൈജീരിയൻ പങ്കാളികൾ വിശേഷിപ്പിച്ചു.
മതസ്വാതന്ത്ര്യത്തിന്റെ മോശമായ ലംഘനങ്ങൾ കാരണം ഡിസംബറിൽ യുഎസ് സ്റ്റേറ്റ് ഡിപ്പാർട്ട്മെന്റ് നൈജീരിയയെ ‘പ്രത്യേക പരിഗണനയുള്ള രാജ്യം’ ആയി പ്രഖ്യാപിച്ചു.
നൈജീരിയയിൽ മനുഷ്യരാശിക്കെതിരായ കുറ്റകൃത്യങ്ങളെക്കുറിച്ച് അന്താരാഷ്ട്ര ക്രിമിനൽ കോടതി അന്വേഷിക്കണമെന്ന് ആവശ്യപ്പെട്ടതിനെ തുടർന്നാണിത്.
